التجميد لحفظ الأطعمة

التجميد له قواعد ويجب الا يتم  بشكل عشوائي   ، فيجب أن يكون عندك فريزر منفصل أو أرضيلان فريزر الثلاجه صحيح انه تجمد فيه الاشياء بس مايوصل
الى درجة البرودة اللي نبيها علشان الاكل يبقى محتفظ بنكهته وجودته

*يبقى الاكل عندي لمدة 3شهور محتفظ بطعمه
ولابد من فصل المجمدات ذات الروائح النفاذه اللي فيها
ثوم وبصل مثل السمبوسه والكفته
عن المجمدات الثانيه علشان ماتاثر عليها
تكسبها ريحه غير مستحبه خصوصا في المقالي الحاليه
صراحه انا مأيد تفريز البصل والثوم والورقيات لانها تفقد طعمها وتعدم الفريزر بريحتها
ونفس الحكايه الفطايرمأيد تفريزهاو
وررق العنب ومحشي الكرنبكلها أفضلها طازجه

طريقة التفريز عندي انه بعد ماأخلص من اللف والتشكيل

أصفها على صينيه مغطاه بالكامل بالجلاد وأصف طبقه من المفرزنات

وأحط جلاد مره ثانيه وطبقة مفرزنات

وهكذا الى يخلص المقدار وأدخلهاالفريزر الى ان تجمد

وبعدين اقسمها في اكياس

أفضل نوعيه

أكياس فالكون

قويه وماتخطلط الروائح مع بعض

هي أهم شي عندي المقليات لانها تأخذ وقت في اللف وسريعه وقت تحضيرها

بس معنى هذا اني أعتمد عليها كلها لا تعتبر عندي كلها
أطباق مساعده
لاني يجوني ضيوف كثير في رمضان وأسوي أشياء في نفس اليوم
وأطلع من الغريزر وأقلي يختصر علي شي كثير خصوصآ أني أوقف في المطبخ
لحالي وعدد الضيوف كبير مابين 25 شخص

المقالي الحاليه

الجبنيه المحشيه

طريقتها


الجبنيه المحشيه
بالخلاط
كأس لبن + بيضه + فنجان قهوة زيت + ملعقة كبيره خميره مو مليانه طبعا + ملمعقة صغيرة بكنج بودر
يصب الخليط بزبديه ويضاف له ملعقة صغيرة مليانه حبة سوداء
وتعجن ب 2 كأس دقيق
اذا الكويتي زوديه شوي
هنا شكل قبل التخمير
تترك نصف او ربع ساعه بمكان دافي ممكن داخل الفرن لحد ماتتخمر هيك
تفرد
وتقصص صغير
تشكل بقالب السمبوسه الصغير وتحشى بالجبن أي نوع
واسقيها بنستله وهي حاره



وهذا شكلها بعد القلي

المغزلي

طريقتها




*المغزلي*

المقادير : 2ك دقيق أبيض ، نص كاس زيت ،نص كاس ماء ، م ك باكينغ باودر ، فنجال سكر بودرة

الحشوة : تمر منزوع النوى يفرك بملعقة قرفه مطحونه


الطريقة :



1- نضع السكر والباكينغ باودر على الدقيق ونقلبه ،

ثم نضع الزيت ونفركه بإطراف الأصابع

2- نضع الماء عليه ونعجنه جيداً

3- نكور العجينه إلى كور صغيره

4- نفرد كل كره إلى أن تصبح رقيقة جداً

ثم نضع حشوة التمر عليها بشكل طولي

5- نغلف العجينه جيداً إلى أن تأخذ

الشكل المغزلي مدببة من الوسط رفيعة من الأطراف

6- نلفها بخيط على الشكل الحلزوني

هنا حبيت أغير من الشكل وسويتها

دوائر ولفينها بالخليط وطلع لي شكل جديد مرتب

7- نقليها في الزيت وبعد ماتتحمر ننزع الخيط منها

عند التقديم رشيتها بسكر بني مع قرفه

قشطيه بالمربى

طريقتها

علبة قشطه و2كاس دقيق
تعجن وتفرد وتحشى مربى مخلوط بشوي ماء ورد
وتقلي وترش بالشيره


بعد القلي

حلى الرينجو

طريقتها
نفس العجينه اللي فوق
وبسكويت رينجو اللي من تيشوب
تفرد العجينه وتقصص شرايح وتلف على أصابع الرينجو
وتقلى
وترش بالسكر البودره


بعد القلي

بيف باستري بالتفاح

طريقتها
بيف باستري يقطع مربعات
يحشى بتفاح مبشور وسكر بني وقرفه
وتلم الزوايا
وتدهن بالحليب وتدخل الفرن حتى تحمر من الاعلى

بكذا اليوم خلصت المقالي الحاليه
بكره احط المقالي المالحه

سبرنق رول الخضار

وقت التفريز

المقادير

عجينة سبرنق رول

الحشوه
كرنب مفروم
بصل مفروم
زنجبيل مفروم
ثوم مفروم
جزر مبشور
فلفل رومي أعواد
بازيلا
وشبت وكزبره
وصويا صوص
وملح وفلفل

الطريقة
تكشن المكونات ويضاف اليها الباقي
وتبرد
وتلف العجينه
وتقلي
وتقدم

تونه بالتوست

طريقته
الحشوه
تونه جيشا الاصليه +زيتون شرايح أخضر +ذرة حلوه+مايونيز+جبن سايل
تخلط مع بعض
توست تزال أطرافه ويرق
ويحشى بالحشوه وتوضع عليه قطعة توست ثانيه مفروده
وتقص بقطاعه دائرايه
وتغمس بالبيض والبقسماط

وتقلى وتقدم

السمبوسه الهنديه

w السمبوسه الهنديه طعمها رووووووعه
العجينه:
كاس دقيق
3 ملاعق زيت
رشه ملح
ماء للعجن
نضع الزيت ورشه الملح على الدقيق ونعجنها بالماء
نحصل على عجينه لينه نتركها ترتاح نص سااااااعه
الحشو:
بازاليا
بطاطس مهروسه
بصل مفروم
ملح
جرام ماسالا
باربيكا
شطه بودره
نحمر البصل في الزيت ونضيف له جميع المكونات
نتركها ترتاح شوي
نقليها في الزيت



وتقدم


بف الدجاج

المقاادير


كاستين دقيق ابيض
; ربع كأس زيت
ثلاث ملاعق طعام كبيره نشااا
ملعقة صغيره ملح
ونص كأس ماء لو احتااجت مااء زيدي حاااجه بسيطه

الطريقة

اعجينها كلها وخليها ترتاح حق ساعه ونص تكفي
وافرديها واحشيها بالحشوه اللي تحبيها حشوتي كانت
عباره عن دجاج مفروم مع كزبره و بطاطا مسلوقه

بعد القلي

بف الكرافت

طريقته

المقادير..
بالأكواب المعياريه..
والملاعق المعياريه
:
ربع كاس زيت أي نوع ( بالسمن تطلع ألذ)
4 كاسات دقيق..
كاس ماء دافي (ذوبي فيه ملعقه صغيره سكر ونص ملعقة صغيره ملح)
+ 3 ملاعق ماء دافيء
وووو...بس


نجي للطريقه:

بنحط الدقيق في وعاء العجانه...ونشغل على أوطى نمره..
بعدين نضيف له الزيت بالتدريج..
ملاحظين أستخدمنا هذي الأداة للخلط...
لحد مايصير عندنا كذا..:
بعدها...
نغير أداة الخلط..
ونحط أداة العجن ونبدا نضيف الماء بالتدريج..

:
بنوصل مرحله نحس أنو العجين فشل...
ومحتاج زيادة ماء...

:
واصلي الخلط...عالبطيء...

لحد ماتوصلين هالمرحله..
العجين مش متماسك..
متفتت قطع كبيره...
جمعيه بيدك ...
وأعجنيه لحد مايصير كره
ضيفي عليه الماء المتبقي( 3 ملاعق)
كمية الماء القليله هذي ممكن تحطينها في أي مرحلة من مراحل العجن,,
,

:
بعدين رجعيه ...
وواصلي العجن..
طبعا العجينه ثقيله وجايه زي الكره..
فأللي يصير أنو فقط بتنضرب
أتركيها 3/5 دقايق
على سرعة بطيئه ..
أو عالسريع 2/3 دقايق..
طلعيها ...
:
الحين بنقطعها 6 قطع متساويه ونشكلها بيضاوي..
نتركها شي نص ساعه لحد مانحضر الحشو...

.. بعد القلي



كرات الزيتون

1ونص ك
وتقدم أس جبن حلوم مبشور
2علبة جبن تشذرالحجم الصغير مبشور
2حبة جبن كيري
كأس ونصف طحين
حليب للعجن
تعجن المقادير حتى تصبح قاسية نوعا ما وتحشى بالزيتون الكامل وتكور وتغمس في البيض والبقسماط وتقلى

كفتة الدجاج بالجبن

المقادير
1 دجاجه كبيره مسلوقه ومقطعه
2علبه متوسطه جبن شيدر كرافت أو اي نوع محبب
مبشور
حزمه بقدونس
1 كأس صغير جبن سائل كريمي
قليل من الفلفل الأسود
قليل من الملح

بقسماط +بيض
الطريقه
نخلط الدجاج المسلوق والمقطع والبقدونس ونفرمه
في الفرامه الكهربائيه
نضع الخليط في وعاء آخر ونضيف عليه الجبن
المبشور والسائل والفلفل الأسود والملح
يكور كور صغيره ونضعه في البيض ثم البقسماط
نغلي الكرات في الزيت الحار والغزير
نضعه على ورق ماص للزيت
يقدم بجانب أصابع البطاطس والخبز
صحتين وعافية

الفول

كوبان فول بني صغير
كوبان فول ابيض
كوب واحد فول نوع كبير
كوب عدس اصفر
2 طماطم مكعبات
2 بصل مقطع مكعبات
ماء حتى يغطي الكميه
ملح و كمون ..وقليل فلفل


الطريقة :
تنقع في الماء قليلا ..ثم توضع في قدر على النارحتي يستوي الفول ..
واذا بغيتي يستوي بسرعة ضعيه في قدر الضغط..افضل ..


وبعدها اتركيه يبرد قليلا ..
ثم ضعيه في الفرامة ..ويقسم في اكياس ..ويجمد ..
لان الكمية كبيره وعند الرغبة...كشني بصل وطماطم ..وفول ..وشوي كمون ..
ولاتنسي سوي التميس معه






عجينة فلافل

حمص منقوع 12ساعه
يفرم في فرامة اللحم مرتين
والمره الثالثه
يضاف لها كزبره مفرومه
وبقدونس مفروم
وبصله
وثوم

وتحفظ في أكياس والى الفريزر

صوص البيتزاء

**
10 حبات طماطم متوسطة
م ك كرفس مفروم ( أو مجفف)
م ك أوريغانو
م ك ملح
2 م ك معجون طماطم
فص بصل واحد كبير
2 فص ثوم
نص كاس زيت زيتون



قطعي الطماطم وأرفعيها على النار
بعد ماتستوي... ضيفي لها كل المقادير وحطيها بالخلاط
لاترفعينهم على النار مره ثانيه ... هنا سر النكهة تكون المتبلات نيئة
حطيه في أكياس وحطيها في الفريزر



دجاج للشاورما

المقادير

صدور دجاج
بصل وثوم
زبادي
عصير ليمون
زيت زيتون
ملح فلفل أسود
رشة جوزة الطيب
ماجي أبيض





يرق الدجاج

ويبشر البصل والثوم ويعصر الليمون ويخلط مع الزبادي

تضاف صدور الدجاج وتترك في التتبيله لمدة يوم كامل

وبعدها تحفظ أكياس وتوضع في الفريزر الى وقت الحاجه

مصدر هذا الموضوع | أوراق الورد

_______
مواضيع مشابهة أو ذات علاقة بالموضوع :