السلام عليكم ورحمة الله
أغلب الوقت نستسهل نستخدم عجينة السمبوسة الجاهزة. لكن نكهة السمبوسة المعدة باستخدم
عجينة منزلية طيبة ولذيذة وخفيفة لو اتبعنا الطريقة والمقاديرالصحيحة .
عن نفسي افضل أسوي العجينة بنفسي لان العجينة الجاهزة ما تعجبني ..احس اني اكل ورق مقلي .
فقلت استخدم عجينة السمبوسة الجاهزة لمقبلات وأصناف ثانية بس ماهو للسمبوسة .
_______
مواضيع مشابهة أو ذات علاقة بالموضوع :
أغلب الوقت نستسهل نستخدم عجينة السمبوسة الجاهزة. لكن نكهة السمبوسة المعدة باستخدم
عجينة منزلية طيبة ولذيذة وخفيفة لو اتبعنا الطريقة والمقاديرالصحيحة .
عن نفسي افضل أسوي العجينة بنفسي لان العجينة الجاهزة ما تعجبني ..احس اني اكل ورق مقلي .
فقلت استخدم عجينة السمبوسة الجاهزة لمقبلات وأصناف ثانية بس ماهو للسمبوسة .
بإسم الله نبدأ طريقة عمل السمبوسة من الألف إلى الياء .
بداية هذا شكل السمبوسة النهائي شو رايكم ؟؟
مقادير عجينة السمبوسة
هذي المقادير تعطيك عدد 22 سمبوسة حجم كبير .
وكل ما صغرتي الحجم بتكثر الكمية
حشوات السمبوسة
بالنسبة لي ألذ وأروع حشوتين للسمبوسة هي اللحم المفروم .
والجبنة الفيتا المضاف له بقدونس ونعناع مفرومين
واكتشفت بعد حشوة جديدة ولذيذة وهي
(جبن موزاريلا مبشورة , جزر مبشورة, فلفل بارد مبشور)
وبنحتاج إلى قطاعات السمبوسة حسب المتوفر عندك
وراح نحتاج إلى صواني مرشوشة بالطحين بشكل خفيف جداً
في محضرة الطعام نضيف الطحين والملح والباكنج باودر والزيت ونعجن
بتظهر عندنا عجينة عبارة عن فتات مثل يوم نسوي التارت .
بنبدأ نضيف ماء بالتدريج ونعجن . انا استخدمت الطحين الكويتي الفاخر والكوبين خذو حوالي 3/4 الكوب او اقل بشوية . لكن أنصج دايما تضيفين الماء بالتدريج لاني درجة رطوبة الطحين تختلف في انواع تحتاج ماء اكثر من انواع ثانية.
هذا شكل العجينة خذيت بالضبط 4 دقايق وصارت لينة ومتماسكة وناعمة .
ولو شديناها ممكن تشد وما تنقطع وهذا هو القوام المطلوب.
نرش صحن بشوية طحين ونحط العجينة ونرشها بعد بقليل من الطحين ونخليها ترتاح على الاقل ثلاث ساعات وأفضل نسويها قبله بيوم لنتائج أفضل
- طريقة تشكيل السمبوسة
هذا شكل العجينة بعد ما ارتاحت بشكل جيد .
لاحظي كفي ملساء وناعمة مش ناشفة.
نفرد العجينة بارتفاع رهيف جدا على الاقل ربع سنتيمتر .
وراح استخدم الدائرة الي فيها مثلثات. وأيضا قوالب السمبوسة العادية
وحطيت قطعة من العجية وصفيت في أنصاف المثلثات الحشوات اللي عندي .
وحطيت قطعة عجينة ثانية وغطيتها بشكل جيد .
وبإستخدم فرداة العجين أضغط عليها علشان تسكرها وعلشان تاخذ شكل القالب.
وهذي المثلثات الحلوة نزلت بسهولة .
لاني العجينة مرتاحة وما تعاند معنا
ورصيتهم في الصينية المرشوشة بالطحين
الموديل الثاني المتعارف عليه .
قصيت بأسفل القطاعة الدوائر بهذي الصوره
بس يا جماعة الخير لازم ندهن الحواف بقليل من الماء على شان تلصق وما تفتح معنا .
ونحط الحشوة وما نكثر
وهذي السمبوسة بعد ما أخذت شكل القالب
نتأكد ان الاطراف كلها مقفولة بشكل محكم حتى ما تطلع الحشوة أثناء القلي.
وهذا موديل السمبوسة الثاني بعد ما رصيته في الصينية المرشوشة بالطحين
وممكن تسوين ميني سمبوسة " صغيرة " محشية كيري وتحطينها في القطر بعد القلي مثل هذولا الحليوات ^_^
هذي كل الكمية اللي سويتها بهذي المقادير
بعد ما رصينا السمبوسة في الصواني المرشوشة بالطحين دخلتهم الفريرز حتى يجمدون مدة ساعة .
وبعدين طلعتهم . ورصيت نص الكمية في صحن بلاستك .
لاحظوا بعد ما جمدوا الشكل ما تغير لاننا جمدناهم في صينية الاول.
وهذا نص الكمية حطيته في صحن بلاستك وعلى الفريزر .
أبيكم تشوفون أشكال السمبوسة المختلفة
كل شكل واضح ومش معجن وشكله متقن.
الكمال لله وحده
--------------------------------- قلي السمبوسة
لازم تنقلي السبموسة في زيت متوسط الغزارة وعلى حرارة متوسطة .
وميزة هذي العجينة . انها تنتفخ في الزيت وتكون من داخل طرية وتذوب ومن الخارج مقرمشة لاحظو يوم أضغط عليها .
وما نوصيكم بالتقديم الحلو والحركات القميلة ^_^
أتمنى تحوز طريقتي في السمبوسة على اعجابكم .
أختك في الله
لطيفة مسعود
_______
مواضيع مشابهة أو ذات علاقة بالموضوع :
ليست هناك تعليقات:
إرسال تعليق
أهلا بك ،
أشكرك على الإطلاع على الموضوع و أن رغبت في التعليق ،
فأرجو أن تضع إسمك ، ولو إسما مستعارا ; للرد عليه عند تعدد التعليقات
كما أرجو مراعاة أخلاق المسلم ; حتى لا نضطر لحذف التعليق
تقبل أجمل تحية
ملاحظة :
يمنع منعا باتا وضع أية : روابط - إعلانات -أرقام هواتف
وسيتم الحذف فورا ..