- السلام عليكم ورحمة الله وبركاتهحبيت استشير اهل الخبرة في الموضوع التالي بخصوص كفرات سيارتي لاهنتم
شريت لي سيارة شفروليه بليزر من أمريكا موديل 2000 مواصفات كندية وما شاء الله السيارة
ولا أحلى من كذا
في رجه خفيفة على سرعة 110 كلم / ساعه طبعا الكل عارف ترصيص
رحنا نرصص اليوم قال الرجال ترا الترصيص ما بيزبط 100% لأنه كفراتك لاتصلح لشوارع المملكة وانا لا أعلم مدى صحة كلامه ومواصفات الكفرات هي كالتالينوع الكفر RADIAL LONG TRAIL T / A - BF GOOD RICH
P235/70R15 102T M+S
طبعا تراكشن A حرارة B
TREAD WEAR 500
الحين انا فهمت كل شي ماعدا P235/70R15 102T M+S الجزء المعلم بالأحمر هل هي سرعه او ماذا
والسؤال هل تمشي الحال في السعودية هذه الموصفات خصوصا الحرارة هي في الوسط بين
A &C
لأنه بصراحة قهر الكفرات مرة جديده وتاريخها حلو ولا فيها اي مسح او تآكل او تشقق حتى شكله روعه
أرجو افادتي من ذوي الخبرة
---------------------------------------------- - ----------------------------------------------------------------
رد: بخصوص الكفرات الأمريكية
أنا مثلك اخوي .. يوم شريت الانفوي استخدام امريكي جت عليه كفرات جديدة حتى الآشواك اللي تجي على طرف الكفر مازالت عليه ، هذا الكلام قبل سنة تحديدا ، وكان تاريخ صناعة الكفرات ماضي عليه سنة ( يعني صنع في عام 2007 ) ونصحوني كثيرين قالو غيرها ما تنفع ، المهم خليتها ومشيت عليها للأن تقريبا 20 الف كم ، وماشاءالله للآن تحسبها جديدة ولا انمسحت ، صناعه صح غير كل شي موجود عندنا في السوق !
ولعلمك سافرت عليها مرتين والحمدلله ما اشتكيت من شي .
لكن للآمانة اني بغيرها مع دخول الصيف بإذن الله لأنها أكيد صارت ناشفه .
يارجل الوالد عنده بليزر وركب له كفرات جديدة دنلوب مثل اللي تجي عليه من الوكالة .. والشايب مشاويره قليلة مره .. وكفراته باديه تنمسح ! وماكملت سنة ونص !
الكفرات حقت أمريكا اللي على سيارتي دعستها يسمونها صخريه وهم هناك يرغبونها بسبب انهم ما يطعسون في رمال .. بل يروحون أماكن صخرية وطينيه . وممكن هالدعسة تكون تسبب رجه على سرعة 110-120 كم / س وهذا انا اللي اعتقده لأني سويت ترصيص أرضي عند العضيب ولا راحت الرجه وكلنها خفيفة ماهي مزعجة .
عموما .. انت خل بنشري تثق به يفحصهن وشوف رأيه يعني اهم شي ما تكون ناشفه أو فيها تحبيل أو اي عيوب .
واذا مشاويرك داخل المدينة .. فلا تشيل هم بإذن الله .
هذا كان رأيي ، وانت أبخص .. ورأيي يحتمل الصح والخطأ .
وربي يوفقك .. وأي استشارة أنا حاضر .
رد: بخصوص الكفرات الأمريكية - -----------------------------
أخوي ابو ريان الله يجزاك الخير يارب
والحمد لله الكفرات سليمة 100% وترا الرجه خفيفة جدا زي ما تفضلت وتحس انه الكفر فعلا صناعه متقنه
شكرا على مرورك
رد: بخصوص الكفرات الأمريكية الآن انا فهمت كل شي ماعدا P235/70R15 102T M+S الجزء المعلم بالأحمر
هل هي سرعه او ماذا ؟
ال P يرمز ان الكفرات حقت سيارات ركاب
102 الحمل الوزن
T السرعه من 160 الى 180ك
ال M+S يعني يصل للوحل والطين والثلج
_______
مواضيع مشابهة أو ذات علاقة بالموضوع :
ليست هناك تعليقات:
إرسال تعليق
أهلا بك ،
أشكرك على الإطلاع على الموضوع و أن رغبت في التعليق ،
فأرجو أن تضع إسمك ، ولو إسما مستعارا ; للرد عليه عند تعدد التعليقات
كما أرجو مراعاة أخلاق المسلم ; حتى لا نضطر لحذف التعليق
تقبل أجمل تحية
ملاحظة :
يمنع منعا باتا وضع أية : روابط - إعلانات -أرقام هواتف
وسيتم الحذف فورا ..