قطع غيار سيارات تركب على سيارات اخرى او تركب على الشروكي

السلام عليكم ورحمه الله وبركاته
لمحبي تبادل المعلومات الميكانيكية والكهربائية  ،  أتمنى نستفيد من خبرات بعض ونستفيد ونفيد

احد متوهق او مضطر لقطعة معينة وماحصلها بالسوق .
وفيه قطعه من سيارة ثانية تختلف كليا ممكن تركب مكانها وتؤدي نفس الغرض،
طبعا من واقع تجربه شخصيه او معلومة 100% لا نوهق خلق الله.

على سبيل المثال :

جيب دوج درانقو موديل 2003
يركب عليه دفرنش خلفي حق اي كابرس من موديل 1986 الى موديل 1990

طرمبة بنزين الفورد كراون فكتوري موديل 2003ا ( داخل التانكي )
تركب على المرسيدس موديل 1988 بدون ترهيم.
وكذلك على الدايو موسيو موديل 2000

منظم الهواء في نيسان صني + مكسيما من موديل 2001 الى 2005،
الي يركب في الهوز حق البخاخ ممكن تفكه و تنفخه بـ هواء وترجعه مكانة
و تنتهي مشاكلك اذا السيارة تطفي فجأة. مايحتاج استبدال :) ،،،
بشــــــــــــــــرط انك تفك اصابع البطارية قبل تبداء الشغل ولما تخلص تشبك الاصابع ...
عانيت من كثر ما اغيره لين اكتشفت هالمعلومه

راديتر ابو 5 صفات حق كابريس صابونه يركب على اي شفر ثاني بشرط استخدام نفس الجرايد الجانبية الاصلية لليسارة نفسها. لايقصون عليك يقولون مايركب

جنط الجمس (شنبر) حق موديل 1980 ابو 6 مسامير يركب على البليزر موديل 2008 :)
طرمبة البنزين حقت الشيروكي اذا خربت بدلها بطرمبة في اكس آر الكبيرة مب الصغيرة وماركتها دونسو..

وبرضوا تركب ع الجموس..

فـ ارجوا من الجميع التفاعل للاستفاده من خبراتكم في مثل هذي المعلومات

تحياتي
للامانه العلميه الفكره منقوله من موقع مكشات

_______
مواضيع مشابهة أو ذات علاقة بالموضوع :