مميزات وعيوب بطاقة فيزا مداد بنك البلاد والتلاعب بسعر الصرف إلى 3,90 !!

السلام عليكم ورحمة الله وبركاته

كيف حالكم أخواني وأخواتي الأعزاء في منتدى البوابة ؟! بما أننا نحب نطرح تجاربنا بين فترة وفترة لنفيد ونستفيد لآن الزبون عرضة للتضحيات بين هذه الأرقام
! عموماً حبيت أطرح تجربتي مع بطاقة مداد بنك بلاد ..

أبرز مميزات البطاقة:

ليس لها شروط معينة مثلاً لازم يكون عندك مرتب معين أو لازم يكون لها حد معين كل شهر مثل بعض البنوك الأخرى ! إنت مجرد تضيف المبلغ في نفس الوقت وبعد كذا تشتري فيها الي تبي مثل الفيزا العادية. كونك تتحكم بإضافة المبلغ مفيدة جداً للي حابين الأمان وينوعون الشراء من الانترنت. رسومها 100 ريال كل سنة والشكل الخارجي حلو ..

لكن عيوب البطاقة:

كشف عمليات الحساب في الإنترنت فااشل !  للأسباب التالية :
أولاً:
لايبين لك العمليات إلي قبلت  أو  التي لم تقبل   تصير إنت محتار وتسألهم.

ثانياً :
مايبين نوع العملة انهم حولوها دولار أو من جنيه أو يورو أو أي عملة فتتسائل.

ثالثاً :
ما يرتب لك على حسب الشراء وممكن يحط عمليات ماسويتها وتتكرر وبعد كذا عملية إستفهام كبيرة !

رابعاً:
ممكن يكررون لك بعض العمليات مثلاً شريت من الباي بال بمبلغ كذا يكررها لك ثانية
  هي  ما تُحسب لكن تلخبط لك كشف الحساب !

خامساً :
لما تطلب الطلب وخلاص سويت عليه تأكيد,
مثلاً أساساً ماعندك رصيد كافي ماتوقف عليك البطاقة ولا يقولون ماتقدر تشتري لا تكمل عادي بعدين يحوسون لك الحسابات وتصير فيها فوضى!

سادساً :
الفيزا ماتقدر تسحب منها مثل ماتبي ،، على حسب الأولوية
مثلاً جايز لك هذا الجهاز رحت وشريتها مع كم جهاز آخر يحسب لك الموقع المجموع, 

تجي تلقى انه  في رصيد باقي لك تشتري فيه حاجة أقل أهمية, "ممكن الفيزا تقبل العملية الأقل أهمية ولا تقبل الجهاز الأول المهم مع انه بنفس المجموعة الأولى إللي شريتها" !

وهذي حصلت معي كان سعر المجموعة 180 دولار ورقم الطلب واحد في آمازون قبلو البنك الله يطول بعمرهم 140 دولار فقط من نفس هذا الطلب رحت شفت في رصيد كافي استغربت مادريت انهم أساساً ماسحبو من ال40 دولار فشريت فيها حاجة أقل أهمية من بائع آخر على حساب غرضين مهمين من هذه المجموعة, طيب الطلب واحد ومن موقع واحد ومجموع السعر واحد كيف تقبلون بعضها وبعضها لأ !!!

أول مره تصير لي لخبطة مع أمازون بسبب هالبطاقة فجأة شيء إنقبل والثاني مانقبل والثالث إنقبل وهكذا يعني لو بشتري بالأولوية لازم أنتبه لآن البطاقة على الهوى حتى فشلوني مع الموقع أخش بعيونهم إني شاريتها قبل قال عاد كلمي البنك ال CHARGE تبعه على حسب مايقبل طال عمره غرض إيه غرض لأ !

سابعاً أزيدكم من الشعر بيت ماحطو لي خدمة رسائل التنبيه في الجوال لأي مبلغ مخصوم من الفيزا مع انو ماشاءالله يجيني التنبيه لرمز التفعيل لكن الخصم لا يوجد, بحيث إني أخربط الحسابات لآنها ملخبطة في موقعهم, ولا أعرف وش شريت بالأولوية, ولا أدري عن حركة تغيير سعر الصرف إلى 3,90 !!

ثامناً آها هنا النقطة الرئيسية رحت الله يسلمكم وحسبت كل طلباتي بالدولار الأمريكي لما ضربتها ب3,75 أو 3,76 شفت إنهم ساحبين مني زيادة 80 ريال وهذي من الحاجات إلي لخبطتني مع الموقع آحسب آمازون ساحبينها مني !
وأجي أجرب أضرب سعر الصرف 3,85 وآخر شيء ضربته ب3,90 فعلاً طلع لي المبلغ المحول بالكامل في بطاقة الفيزا, طيب ليه وبأي حق يابنك بلاد تقولون سعر الصرف 3,75 علمو الناس إنها أحياناً تجينا بالغلط 3,90 بدال ماتخشون بعيونهم وتقولون أساساً أختي إنتي طلبتي ومايكفي الرصيد كيف مايكفي الرصيد, ونا الغرض إلي كنت بشتريه ب 11 دولار لآنو حسبالي باقي لي لسه 80 ريال لآنه على كلامكم سعر الصرف 3,75 !!
وكيف أساساً أعرف وأشوف حساباتي وانتم عاكين لي كل شيء خربطة ولخبطة وتكرار, ومافي رسايل تنبيه خصم ع الجوال, ومبلغ يرقى فوق ومبلغ تحت, واطلب من موقع مجموعة طلبات شيء تقبلونه وشيء ماتقبلونه مع إنها مجموعة وحدة, لدرجة رحت فرحت على بالي لسه باقي رصيد وشريت بنفس الحسبة إلي على بالي أخذوها, وأحد الأغراض شريتها وتكمل الفيزا وعادي تقبل و ماكأن فيها شيء, طيب نبهوني ووقفوها مو تلخبطوني في عمليات كشف الحساب, وأضطر أسأل خدمة عملاء الموقع يقولون بنكك رفضها !

بالنسبة لسعر الصرف:
أولاً المفروض ينبهون العملاء إنها ممكن تكون أحياناً 3,90 وتقدر تقدم إعتراض مو يخشون فينا مافي رصيد كافي بعدين حنا نكتشف بأنفسنا إنها 3,90 بعدها عاد يعترف الموظف الآخر إنها ممكن تصير !

ثانياً المفروض البنك إللي يحترم قوانينه يطبقها بالقوة ماهو البنوك إذا اشتهت تاخذ ع الدولار 3,85 طبقتها على الجميع ويكون سعر ثابت مايلخبط العملاء وش إلي شيء ينقص وشيء يزيد ع الهوى هي !

ثالثاً أنا تأكدت زيادة من كلامي هذا بعد الحساب وبرضو أحد مواضيع الأخوان في بوابة الدي إس إل

تفضلو يا أخوان هذا موضوع أحد الأخوان إلي تأكدت فيه من كلامي ..
http://www.adslgate.com/dsl/showthread.php?t=1147516

بعضهم يقولو تلاعب لآنهم حاطين إنها 3,76 مع إنها بالحسبة 3,90 وبعضهم يقولو يرجعون الفرق بعدين آخر الشهر أو بعد ماتحول أي مبلغ _لكن جربتها مانفعت معي_ وبعضهم يقولون إنه بسبب عمولة تحويل العملة مع إن البنك يقول لا متأكدين إنها 3,76 وأنا عن نفسي قالو إرسلي فاكس بالمبالغ المعترضة, طيب يا أذكياء كيف حتى كشف الحساب بكبره أنا معترض عليه لآنه مخربط ومكرر وعمليات مدري من وين حطوها وش أخلي وش أعترض !

لاحول ولا قوة إلا بالله .. وحسبي الله ونعم الوكيل .. أنا عن تجربة بنك  *****  أرتب بكثير في الحسابات ..

موفقين بإذن لله ,,

المصدر





_______
مواضيع مشابهة أو ذات علاقة بالموضوع :